► ♪ ♫

Posts Tagged ‘U/K’

පේ‍්‍රමය නොවේ නම්, මිතුරුකම ඇති මට

In , සිතුවිලි on April 26, 2009 at 8:00 pm

දැවී අළුව ගොස් තිබුණු ජීවිතය
අළුත් ගින්නකින් වෙලී ගිය බව, සත්‍යයකි

නෙක තාරකා පිරුණු නිල් අහස මත
මඟ කියන පහන් තරුවක් දිටිමි

නෙක මල් පිපුණු උයනක
අවැසි වූයේ එක් මලක් පමණකි

කටුක දිවි සැරිය මත
රුදුරු වද වේදනා මැද වුව
සිතුවිලි-සිහින තුල
ඇදුණ එක රුවකි

කියන්නට හැකි වෙයි නම් එක් වරක්
නිමේෂයක් ඇති මට
අප‍්‍රකාශිත මේ පෙම
ආත්මාර්ථයෙන් නොකිලිටි වග

ඒ නිමේෂය වටියි
වඩා – දස වසරකට

ඉතිං, මා සුහඳිනිය
පේ‍්‍රමය නොවේ නම්, මිතුරුකම ඇති මට

U/K | tracked at 26:04:2009

ආකාස්මික සොඳුරු උදයක

In , සිතුවිලි on March 5, 2009 at 3:13 pm

ආකාස්මික සොඳුරු උදයක
දුටුවෙමි මම ඇයව – අකුණු සැරයක් විලසින
ඇඳුනි ඇගෙ රුව මසිත – නොමැකෙන ලෙසට කිසි දින

නොහැක මට ගමන් කෙරුමට
මා යන මඟ පසෙක ලා
එහෙයින් – දුරින් හිඳ
බලා සිටියේ ඔබ දෙස

ලංව එන්නට සිතට රිසි මුත්
නොහැක මට මා ගැන සිතන්නට
දුකින් පීඩිත ගොලුවු මිනිසුන්
හඬක් අයැදිව බලා හිඳි මඟ

අතරතුර පැමිණි ඔහු – රැගෙන ඔබෙ සොඳුරු සිත
තුටින් පියනැඟිය බව
බලා උන්නෙමි – සම සිතින් මම

බොහො කල් ඉක්ම ගොස් ඇත
නොදැක ඇය – නොදැන ඇය කොහි සිටී දැයි
දකින්නට රිසි මුත් – ඇය යළි එක් වරක්
නොදනිමි – ඒ කෙළෙසකද යන වග

U/K | tracked at jan -or- feb 2008