► ♪ ♫

Posts Tagged ‘තිරයෙන් එහා කවියක්’

තිරයෙන් එහා කවියක්

In quote from a News Paper, quoted poem on March 19, 2009 at 7:03 am

සිංහයා නම් නටයි
අසිපත් මුව හතට
හතර කොණ බෝපත් කැපෙයි…

තල් මල් ද පොල් මල් ද
බෑ…! කියාගෙන
පොර මඬල මත
වැටෙයි
තල් කොළෙන් පොල් කොළෙන්
අමුතු ලියකම්
ගෙතෙයි

ගැලරියේ විසිල් පාරත්
දැන් දැන් සැරයි
මල් වෙඩිත් නැගී
දැවුන ලුම්නස්
ඒ නයින් පාරට
වැටෙයි

රූප තිර අසල
මධු බඳුන් පිරෙයි
දේශානුරාගය
ඔඩම් උතුරා
ගලයි …

සැමරුමෙක සද්දෙට
මරණයක් අවදි වී
අතු පැළක, බිරිඳක්
තැවෙයි …

අහසටත් නැති
පොළවටත් නැති
සිංහයා තව නටයි…

► ඩි.එම්. ටිම්රාන් කීර්ති
‘මකරන්ද-රාවය’ (2009 මාර්තු 01)