► ♪ ♫

Archive for the ‘quote from Web’ Category

2010

In , quote from Web, quoted poem on January 6, 2010 at 10:41 am


“2010”

අතීතය කරින් ගත්
මිනිසෙක්ය මංසලක

ඔව්..ඔහුට
මල් වෙඩිල්ලක් නොවෙයි
ජීවිතය..

සුළං තටු පහර වැද
දාස්පෙතියා මලක්
දැදිරි වී බිම වැටෙත
ඔහු දෙපා අද්දරම
‘ආචාර වෙඩිමුරයකැයි’
කෙලෙස කියන්නද..?

අමාවක මැදියමක
ඔහු කොපුල මත වැටෙන
වැහි බිංදු
සෙමෙර නොව
හී තුඩුය..

සිහිනයක් දුහුවිලිව
ගිය කලට
තණපතත්
ඔහුට
මතු මහලකිය

ඒ නිසා දැන් ඔහුට
තණසුළක් යට වුවත්
සැතපෙන්න ඉඩ ඇතිය

අතීතය කරින් ගත්
මිනිසෙක්ය මංසලක
සිනහවක් සිතක නැති
කඳුලකුත් නෙතක නැති..

-රසික ජයකොඩි-
2009-12

[බූන්දි|BOONDI]

නිහඬ ගීතය

In , quote from a Book, quote from Web, quoted poem on November 5, 2009 at 3:05 pm

ගීතය නිහඬය
නොගැයිනි තවම

දිනෙන් දින
දිනෙන් දින ගෙවුනත්
සලමින් පිරික්සමින්
සකසමින් වීණාවේ සර

එළඹ නැත
නිසි මොහොත
නැත වදන් ගැලපී
පෙල ගැසී
හද රිදුම් දුන්නත්
පිරී කැලතෙන ප්‍රාර්ථනාවන්

පියුම නැත පිබිදී
හමා යන මුත් නල
ගෙන යන්න
එහි සුවඳ

නෙත ගැසී නැත වත
සවන නොරැඳිනිය හඬ
පා ගැටෙන සර පමණි
සරණ විට ඔහු මාවතේ

දිග හැරෙයි ජීවිතය
දිග ඇදෙයි සෙවනැලිත්..
එහෙත් තවමත්
පහන දැල්වී නොමැත
හැර පියන්නට
දොර පියන්
වඩින්නට මා කුටියට…

හමුවීම…
ජීවිතයේ…
ප්‍රාර්ථනාවක්ම
පමණකි
තවම
නොපිපුණු.

► ‘ගීතාංජලී’ – රබින්ද්‍රනාත් තාගෝර්
From Boondi Live Mail

ඇයට

In , සිතුවිලි, quote from Web, quoted poem on June 23, 2009 at 5:01 am

ගලා යන්න දිය දහරක් විලස
ජීවිතය පුරා …
වනු මැනව සිසිලසක්
ගිම්හාන සමයේදී …
සොයුරියක සේ වන්න නිබඳ
මා ලග සිටින
මවක සේ සෙනෙහසින්
හොඳ නරක කියා දෙන

ලද බොලඳ පෙම්වතිය
නොම වන්න ලගින් හිඳ
චාටු බස් නොදොඩන්න
සත්‍යබව බිඳ දමන
ජීවිතේ කටුක බව
ජීවිතෙන් දැනෙන කළ
සෙවනැල්ල වන්න ඔබ
ආත්මය ළග හිඳින …

► බන්දුල සේනාරත්න
Posted: 20 Jun 2009 08:48 PM PDT
බූන්දි – අකුරු අනුරාගිකයි – විඳීම් ඉන්ද්‍රජාලිකයි

MASA – CĖSAR VALLEJO – ‘චේ’ ජන්ම දින සමරුව වෙනුවෙන් [Boondi]

In quote from Web, quoted poem on June 17, 2009 at 9:36 am

අරගලය අවසන- සටන්කරු මියගිය සඳ
මිනිසෙකු පැමිණ ඔහු වෙත
හඬ ගා කීය මෙලෙසින:
“නොමැරෙනු මැනව- නොමැරෙනු මැනව
එතරම්ම ආදරෙයි මං නුඹට”
අහෝ එද, නොසෙල්විණි මළ සිරුර

ඉනික්බිති,
පැමිණ මිනිසුන් දෙදෙනෙක්
කීය නැවතත් මෙලෙසින:
“නැගී නිබයව එන්න ආපසු
හැර නොයනු මැන අපව”
අහෝ එද, නොසෙල්විණි මළ සිරුර

ඉනික්බිති,
පැමිණයහ මිනිසුන් විස්සක්
සියයක්, දහසක්
ලක්ෂයක්, පන් ලක්ෂයක්
විමසූහ එක හඬින්:
“පරදවනු බැරි වෙයිද මරණය
විසල් ආදරයකට මෙතරම්?”
අහෝ එද, නොසෙල්විණි මළ සිරුර

මිලියන ගණනක් මහ සෙනග
දසතින් පැමිණ හඬමින්
රැෙඳමින ඔහු සිරුර අස
මුර ගෑහ එක හඬින්
“හැර නොයනු සොයුර අප”
අහෝ එද, නොසෙල්විණි මළ සිරුර

අවසන,
මහ පොළොව මත වසන
සියළු මිනිස් වග පැමිණ
වටකළහ නිදන ඔහු සිරුර.

දුංඛිත මළ සිරුර සෙලවිණ!
දුටුයෙන් ඒ මිනිස් කැළ.
නැගිට සෙමෙන්- සිපගති පළමු මිනිසා
ඉන්පසු,
ඇවිද යන්නට විය!

► CĖSAR VALLEJO (1895-1939) (Peru)
බුන්දි.

නෑදැයෝ

In quote from Web, quoted poem on May 29, 2009 at 6:16 am

යුදධෙ
ඉවරයි කිව්ව විදියට
මම උන්නෙ
බඩු අරං පොදි බැඳ ගෙන
මැනික් ෆාම් කඳවුරට යන
සිංහල සෙනඟ බලන්නට.

බස් වලින් කැන්දගෙන
අරං ගොස්
ඉද්ද ගැහු වේගෙට
උන් උපන් බිම් වලට
හදා කුඩුපට්ටම් ගේ දොර
එලිපෙහෙලි කොට වතුපිටි
එන්න. ඉහිමු ළිඳ තරඟෙට
කොච්චර සුන්දරද – කලබල ශුමදාන.

උයා මහා කිරිබතක් මේසෙට
කවමුද අපි කටකින් කටකට.
දෝරෙ ගලන හිනා සාලය
දකු‍ණේ නෑදැයින් පැමින.
තල් කොලෙන් පොල් කොලෙන්
කවි ගොතමු අපි ආයෙම.

මීනච්චියේ ඇයි
පොට්ටුවයි තනි ඇහැයි
සුදු පිච්ච මල් සුවඳ
දොර රෙද්දෙන් එබෙන.
දෑවැද්දක් ඕනෙ ම නැහැ
උස්සන් යනව මම
හෙට උඹව දකුණට.

පාරවෙල් දිගේ ඉගිලෙන
ජාතික හැඟීමෙන් විසිවුන
පියවි සිහිය එලඹුන සඳ,
ඉස්සී බැලුවෙමි
පීරා සිංහ කොඩි රෑනම
අපි තාමත් කොළඹ.
විජයග්‍රහනයේ කිරිබත
තලුමරමින

මැනික් ෆාම් කඳවුරේ
කටුකම්බි අට පොටෙන් උඩහට
හූල්ලන දෑස්ය මග බලන

► මහේෂ් මුණසිංහ (2009 05)
බුන්දි බ්ලොග් අඩවියෙනි.

ඔබට හැකිනම් – රූඩ්යාඩ් කිප්ලිං

In quote from a News Paper, quote from Web, quoted poem on March 29, 2009 at 12:34 pm

ඔබ අවට සිටින හැම දෙනම – තමන්ගේ හිස් අවුල් කරගෙන
එහි දොස් ඔබට පවරන විට,
ඔබට තම හිස අවුල් නොකරගෙන සිටිය හැකි නම්

අවට සැම දෙනම – ඔබව සැක කරන විට
ඔබට,
තමා ගැන විශ්වාස කළ හැකි නම්
ඔබට එසේ කිරිමෙන් වෙහෙසට පත් නොවී
බලාපොරොත්තුවෙන් සිටිය හැකි නම්

අනුන් ඔබ ගැන බොරු කියන විට,
ඔබට බොරු නොකියා සිටිය හැකි නම්

අනුන් ඔබට වෛර කරද්දී,
වෛර නොකර සිටිමට ඔබට හැකි නම්

එහෙත්,
අවැසි පමණට වඩා හොඳ බවක්වත්
ප්‍රඥ්ඥාවන්ත බවක්වත්
නොපෙන්වා සිටිය හැකි නම්

සිහින දැකීමට හැකි වුවත්,
සිහින ඔබේ ස්වාමියා – නොකරගෙන සිටිය හැකි නම්

ඔබට සිතිය හැකි නමුත්,
චින්තනය ඔබේ – පරමාර්ථය නොකර ගැනීමට හැකි නම්

ජය පරාජය දෙකට මුහුණ දී
ඒ ප්‍රතිරූපක බොරුකාරයින් දෙදෙනාටම
එකසේ මුහුණ දිය හැකි නම්

ඔබ කියු සත්‍යය – දුර්ජනයින් විසින් විකෘතිකොට
මෝඩයන් හසුකර ගන්නා – උගුලක් ලෙස යෙදුවැයි
අසා දරා සිටීමට හැකි නම්

ඔබ මුළු දිවියම ගතකර ගොඩනැගූ දේ
කැඩී සුණු විසුණුවී ගිය විට,
පහත් වී නැවතත් ගෙවීගිය මෙවලම්වලින් වලින් පවා නැවත
තැනීමට ඔබට හැකි නම්

ඔබ දිනු සියලු දෑ එක ගොඩකට ගසා
එක ඔට්ටුවකට ලබා පැරදී,
නැවත මුල සිට ඇරඹීමට හැකි නම්
ඒ පාඩුව ගැන වචන මාත්‍රයක්වත්
නොදොඩා සිටීමට හැකි නම්

ඒවායේ ශක්තිය හීනවී ගොස්
‘සිටුව,නැවත වැඩ කරව්’ යැයි
කීමට පමණක් ඉතිරිව ඇති ශක්තියෙන්
තමාගේ හදවතට,
ස්නායුවලට හා බල නහර වලට අණ දීමට ඔබට හැකි නම්

‘රුඳී සිටුවයි’ කීමට වඩා ශක්තියක්
ඔබ තුළ ඉතිරිවී නැතිවුවද,
වැඩ ඉසව්වේ රැඳී සිටීමට ඔබට හැකි නම්

තමාට වඩා පහළින් සිටින – ජනයා සමඟ ඇසුරු කළත්
තමන්ගේ උසස් ගති – කෙළෙසා නොගෙන සිටීමට හැකි නම්

රජුන් සමඟ උරහිස් හැප්පුවත්
සාමාන්‍ය ගති නැති නොකරගෙන – සිටින්නට හැකි නම්

සතුරකුටවත් හිතැති මිතුරෙකුටවත්
ඔබට, හානියක් කිරීමට නොහැකි නම්

සියලු දෙනාම ඔබ ගැන බලාපොරොත්තු තැබුවත්
කිසිවෙක් ඕනෑවට වඩ එසේ නොකරන්නේ නම්

සමාව නොදෙන සෑම මිනිත්තුවකම
තප්පර හැටක දිවිල්ලෙන් ඔබට පිරවිය හැකි නම්

මේ මුලු පොළව හා එහි ඇති සියල්ල ඔබගේය
ඒ මතුද නොව, මාගේ පුත
නුඹ මිනිසෙකි.

► රූඩ්යාඩ් කිප්ලිං
අනුවාදය: මහාචාර්ය පුෂ්පකුමාර වී. ප්‍රේමරත්න
knowledgescope බ්ලොග් අඩවියෙන්

මම

In quote from Web, quoted poem on March 22, 2009 at 7:22 am

ත්‍රස්තවාදියෙක් වීමි.
ලේ වැකුණු අතීතයක
ආණ්ඩුවෙන්
නම් කරන ලද,
ජීවිතය ඉල්ලා
ඇවිස්සුන පරපුරක
මරණය නොඉවසූ
පුරුකක් වූ බැවින

ස්වයං පිටුවහලෙක් වීමි.
(මන්ත්‍රීවරයෙක් නොවී)
නිවටව
නියාලුව
නොනැගිට
හිරිකිත නැතිව
පවාදෙමින්
ටයර් ‍සේ පිළිස්සුව
හැට දහසක
සොයුරු මතක

දේශද්‍රෝහියෙක් වීමි
ආණ්ඩුවෙන්
දක්කන
වන්දිභට්ටයින් රැල
නම් කරන ලද,
මරණය හැර
සියල්ල
අහිමිවන
යුද්ධයෙන්
කිතිනොකැවුණු වරදට.
වරෙක
මාවෙත දිගුවුණු
ඇඟිල්ලම
තවකෙකු වෙත
දිගුවෙන විට
එය පෙන්වා දුන් වරදට.
මගේ පරපුරේ
ඝාතකයා ලවා
මගේ නොවන
පරපුරක්
ඝාතනය කිරීමට
අත්පොළසන්
නොදුන් වරදට.
ජීවිතය ඉල්ලා
නැගිටින හැමවර
මම අයත් පංතියට
ජාතිබේදයකින් තොරව
හිමිවන මරණයට
එරෙහි වූ වරදට.

► මහේෂ් මුණසිංහ (2009 03)
බුන්දි බ්ලොග් අඩවියෙනි.

Imagine – John Lennon

In quote from Web, quoted poem on March 22, 2009 at 7:10 am

Imagine there’s no Heaven
It’s easy if you try
No hell below us
Above us only sky
Imagine all the people
Living for today

Imagine there’s no countries
It isn’t hard to do
Nothing to kill or die for
And no religion too
Imagine all the people
Living life in peace

You may say that I’m a dreamer
But I’m not the only one
I hope someday you’ll join us
And the world will be as one

Imagine no possessions
I wonder if you can
No need for greed or hunger
A brotherhood of man
Imagine all the people
Sharing all the world

You may say that I’m a dreamer
But I’m not the only one
I hope someday you’ll join us
And the world will live as one

► John Lennon

[ quote ] :: බූන්දි :: BOONDI.LK – Sri Lankan Site for Literature, Arts and Politics :: [/q]]

සිහින – ‘මකරන්ද’

In , quote from Web, quoted poem on March 7, 2009 at 11:55 am

රෝස කැලේ කටු අකුලේ
පැටලී සීරුණු හදවත
සමහන් කොට ඈත පිපී
හිනැහෙන රන්සර සියපත

චණ්ඩ කතර ජීවිතයට
සිසිල සදන සිනාවෙන්ම
වැසි දෝතක නුඹ ඒ නම්
අන් සතුටක් මට කොයින්ද

► ‘මකරන්ද’ බ්ලොග් අඩවියෙනි
http://makarandaya.blogspot.com/