► ♪ ♫

Archive for the ‘quote from a Book’ Category

Bhagath Singh – On the path of liberation | ‘නිදහස් අරගලයේ ආදර්ශය, භගත් සිං’ කෘතියෙනි.

In , quote from a Book, quoted Text on July 5, 2010 at 12:19 pm

“…. සැමකෙක්ම පවසනුයේ සත්‍ය ආගම තමන්ගේ විශ්වාසය පමණක් බවය. දුෂ්ඨත්වයේ මුල මෙයයි. අනාගත අරගල‍ය සඳහා මතවාදී ආයුධ අපට සපයන පුරාතන චින්තනයන්ගේ අදහස් සහ අත්හදා බැලීම් සංවර්ධනය කරනු වෙනුවට අපි ගතානුගතික ආගමක සිරවෙමු. මෙලෙස මිනිසාගේ පිබිදීම නිශ්චල ජලාශයක ගිල්වා දමයි.”

“ප්‍රගතිශීලීත්වය වෙනුවෙන් පෙනී සිටින සෑම පුද්ගලයෙකුම පැරණි විශ්වාසයන්ගේ සියලු ඇදහිලි විවේචනය කිරීම අත්‍යවශ්‍යය. කරුණෙන් කරුණ පැරණි විශ්වාසයන්ගේ ගුණය අභියෝගයට ලක් කල යුතුය. සියලු විස්තර විශ්ලේෂණය කර වටහා ගත යුතුය. දැඩි තර්කනයකින් පසුව පවා ඕනෑම දර්ශනයක න්‍යායක් විශ්වාස කිරීමට යොමු වෙයි නම් ඔහුගේ විශ්වාසය පිළිගැනීමට ලක් වේ. ඔහුගේ තර්ක ක්‍රමයේ අඩුපාඩු පැවතිය හැකිය. නැතහොත් සාවද්‍ය විය හැකිය. ඔහුගේ ජීවිතයට මඟ පෙන්වන මූලධර්මය තර්කය බැවින් නිවැරදි වීමට ඔහුට අවස්ථාවක් තිබේ. එහෙත් අන්ධ විශ්වාසය විනාශකාරීය. එය මිනිසා සිය අවබෝධයේ ශක්තියෙන් ගලවා ප්‍රතිගාමියෙකු බවට පත් කරයි.”

“තමා යථාර්ථවාදියෙකු යයි හඳුන්වා ගන්නා ඕනෑම පුද්ගලයෙකු පැරණි විශ්වාසයන්හී සත්‍යයට අභියෝග කළ යුතුය. විශ්වාසයට තර්කයේ නිර්දය ප්‍රහාරයට ඔරොත්තු දිය නොහැකි නම් එය බිඳ වැටේ. ඉන් පසු ඔහු‍ගේ කාර්්‍යය විය යුත්තේ නව දර්ශනයක් සඳහා මූලික කටයුතු වල නියැලීමය. නිශේධනාත්මක පක්ෂය මෙයයි. ධනාත්මක කටයුතුවලට එළැඹෙනුයේ ඉන් අනතුරුවය. එහිදි පැරණි කාලයේ ඇතැම් ද්‍රවශ නව දර්ශනයේ කුළුණු ඉදිකිරීමට භාවිතා කළ හැකිය. මෙම කේෂ්ත්‍රයේ ප්‍රමාණවත් අධ්‍යයන සිදුකර නොමැති බව මම පිළිගනිමි. පෙරදිග දර්ශනය හැදෑරීමේ දැඩි අභිලාෂයක් මා තුළ තිබුණ ද මට ඒ සඳහා තිබුණේ සීමිත අවස්ථාවක් සහ කාලයකි.එහෙත් මා ඉපැරීණ ිවිශ්වාස ප්‍රතික්ශේප කල පමණින් එය විශ්වාසයක් තවත් විශ්වාසයයකට එරෙහිව යෙදවීමක් නොවේ. ඊට වඩා ඉපැරණි විශ්වාසවල ගුණයට ප්‍රබල තර්ක මඟින් අභියෝග කිරීමට මට පුලුවන. මානව ප්‍රගමනය රඳා පවතින්නේ සොබා දහම පාලනය කිරීමට මිනිසා දක්වන සමත්කම මත බව අපි විශ්වාස කරමු. එය පසුපස සවිඥානික බලවේගයක් නොමැත. අපගේ දර්ශනය එයයි.”

‘නිදහස් අරගලයේ ආදර්ශය, භගත් සිං’ කෘතියෙනි.

Bhagath Singh – On the path of liberation
By Shiv Verma
පරිවර්තනය: උදිත අලහකෝන් (සමාජවාදී තරුණ සංගමයේ ප්‍රකාශනයක්)

නිහඬ ගීතය

In , quote from a Book, quote from Web, quoted poem on November 5, 2009 at 3:05 pm

ගීතය නිහඬය
නොගැයිනි තවම

දිනෙන් දින
දිනෙන් දින ගෙවුනත්
සලමින් පිරික්සමින්
සකසමින් වීණාවේ සර

එළඹ නැත
නිසි මොහොත
නැත වදන් ගැලපී
පෙල ගැසී
හද රිදුම් දුන්නත්
පිරී කැලතෙන ප්‍රාර්ථනාවන්

පියුම නැත පිබිදී
හමා යන මුත් නල
ගෙන යන්න
එහි සුවඳ

නෙත ගැසී නැත වත
සවන නොරැඳිනිය හඬ
පා ගැටෙන සර පමණි
සරණ විට ඔහු මාවතේ

දිග හැරෙයි ජීවිතය
දිග ඇදෙයි සෙවනැලිත්..
එහෙත් තවමත්
පහන දැල්වී නොමැත
හැර පියන්නට
දොර පියන්
වඩින්නට මා කුටියට…

හමුවීම…
ජීවිතයේ…
ප්‍රාර්ථනාවක්ම
පමණකි
තවම
නොපිපුණු.

► ‘ගීතාංජලී’ – රබින්ද්‍රනාත් තාගෝර්
From Boondi Live Mail

බත්තලංගුණ්ඩුව –

In quote from a Book, quoted Text on October 28, 2009 at 3:51 pm

.. .ඉගෙන ගැනීම යනු පාසල් යාමද? විභාග සමත් වීම ද? හුදකලාව විසින් මා උස්සා පොළොවේ ගසනු ලැබූ වාර හිසේ කෙස්සටත් අධික ය. කියැවීම පූර්ණකාලීන ආත්මලම්භනය වුවත්, එය හුදෙකලාවෙන් අත්මිඳීමේ භාවිතයක් නොවිණ. සිතන නැගෙන ඇතැම් දේ කුරුටු ගෑමට මා ඇබ්බැහි වූයේ කිටවීමෙන් ලත් ආවේශයෙන් වුවද ඒ තුළ දෘශ්‍යමාන වූයේ ජීවිතයේ ම ප්‍රතිබිම්බයයි. හුදෛකලාවේ ගැඹුරුතර ගුප්තභාවයයි.

හුද‍‍දෙකලාවේ හිර ගෙට
එළිය වෑහේ ඉඳ හිට
කදෝපැණි මිතුරාණෙනි,
මඟහැරැණා ද මඟතොට . .. p-33


..

මිනිසෙකුට අවම වශයෙන් තම ජීවිතය හා බද්ධ විය හැකි එකඳු මිනිසෙකු හෝ අවශ්‍ය වන බව මම විශ්වාස කරමි. මිත්‍රයා යනු ‘මචං’ කියනා පමණට ගොඩනඟා ගත්තෙකු නොවේ. ‘එන්නං මචං’ කියාගෙන අතවනාගෙන යන අය ද මිත්‍රයන් ලෙස හැඳින්වීමේ පුරුද්දක් හෝ ඇබ්බැහියක් අප තුළ පවතී. දෛනිකව කෙනෙකු හමුවූ පළියට එය මිත්‍රත්වය මත තබා විග්‍රහ කළ නොහේ. මිත්‍රයා යනු ද මිත්‍රත්වය ක් මිස පුද්ගල නාමයක් නොවේ.

අවම වශයෙන් මේ ලකුණු හදවත ස්පර්ශ වන එක් කෙනෙකු හෝ තමන් වෙත ඇහුම්කන් දෙනවාට අප කැමතිය. එය හැම මිනිසෙකුගේ ම අවශ්‍යතාවයකි. මිනිසුන් එසේ කරනුයේ හිත් හිස් කරගැනීමට ය. අලුත් සිතිවිලි පහළ වන්නේ එවිට ය. සැහැල්ලුව පිරෙන විට සිත අලුත් සිතුවිලි දලු දමයි.

p-126

සිතිවිලි අහුරකට අත තියා
වළාකුළු වෙන්නැයි පවසමි
දැන් මගේ ඒ සිතුවිලි
ආකාශයේ ඇවිද යයි
අහසේ පාව එන
මගෙම සිතිවිල්ලක් බලා මා දෙස
කියයි මෙලෙස හිමිහිට
“උඹ තිතක්”

කියමි මම
මගේ ඒ සිතිවිල්ලට
ලෝකයේ
“විශ්වයේ තිතක් වන් ලෝකයක
“තිතක් වන් දූපතක
තිතක්වත් නොවනා කොදෙව්වක
තිතක් වන්නේ කෙළෙසද?
ඒත් සිතුවිලි මිත්‍රය !
ඔබ තිතක්
හිතක් පපුවක් තිබෙන p-122

► ‘බත්තලංගුණ්ඩුව’
මංජුල වෙඩිවර්ධන

කියවන්නට දන්නා කම්කරුවෙකුගේ ප‍්‍රශ්න

In quote from a Book, quoted poem on October 13, 2009 at 2:21 pm

තිබිසයේ දොරටු හතේ
මාලිගාව හැදුවෝ කවුරුන්ද?
පොත්වල නම් රජවරුන්ගේ නම්
සඳහන් වේ.

ඉතින්, රජවරු එයට ගල් ඇද්දෝ ද?
තරුණ ඇලෙක්සැන්ඩර්
ඉන්දියාව ආක‍්‍රමණය කළේය
හැබෑවටම ඔහු
තනිවමද එය කළේ?
සීසර් ගලීලය පරාජය කළේය
අරක්කැමියෙක්වත්
ඔහු සමඟ ගියේ නැද්ද?

සිය නැව් හමුදාව පරාජය වීමෙන්
ස්පාඤ්ඤයේ පිලිප් රජු වැලපුණේය
අන් කිසි කෙනෙක් නොවැලපුණේද?
හැම පිටුවකම ඇත්තේ
ජයගත් සැටිය
ඇත්තෙන්ම ජය පානොත්සවය උදෙසා
කෑම උයන්නවත්
එකෙක් නොසිටියේද?

සෑම දස වසරකටම
මහා පුරුෂයෙක් පහළ වේ
මේ සියල්ලටම
වියදම් කළෝ කවුරුහුද?

ඉතින් මෙවැනි පුවත් අපමණය
— කෙළවරක් නැති ප‍්‍රශ්න
පැන නොනැංගේද?

► Bertolt Brecht
පරි: එස්. ජී. පුංච්හේවා | ‘අකුණු පහන’ කාව්‍ය සංග‍්‍රහය

හඬනු පෙම්බර දේශය : ඇලන් පේටන්

In quote from a Book, quoted Text on September 11, 2009 at 6:56 am

“කැඩී බිඳී ගිය ගෝත්‍රය ගැන, පලාගොස් ඇති නීතිය හා චාරිත්‍ර ධර්ම ගැන වැලපෙන්න!. ඔව්, මලගිය මිනිසා පිළිබඳව, වියෝ දුකට පත්ව සිටින බිරිඳ හා දරුවන් ගැන වැලපෙන්න. පෙම්බර දේශය, වැලපෙන්න !. මෙය තවමත් අවසානයට පැමිණ නැත. මිනිසාට සතුටින් විසිය නොහැකි මේ සොඳුරු දේශය මත හිරු කඩා හැලෙමින් තිබේ. ඔහු හඳුනන්නේ ඔහුගේ හදවතේ බිය පමණි.”

– p-94

“වරායේ අතහැර දැමූ දිය කඩක අයිනේ වුවද, දියරැලි නැඟෙයි. අන්ධකාර නිහඬ වනාන්තරයේද කොළයක් පතිත වෙයි. වේයෙක් ඔප දැමූ ලී ජනේලය පිටුපස කා දමයි. කිසිවෙක් නිහඬ නැත. එසේ පෙනෙන්නේ නුණුවණයන්ට පමණි”

– p-235

Cry, The Beloved Country : Alan Paton [1948]
පරි: මාලිනී ගෝවින්න | ‘හඬනු පෙම්බර දේශය’ [2000]
ISBN 955-652-053-9

අනේ දෙව්දත් නොදුටි මොක්පුර : සුගතපාල ද සිල්වා

In quote from a Book, quoted poem on September 11, 2009 at 6:40 am

දරු නැලවිල්ලක් – p-13

ඇයි ඇයි ඇයි ඇයි ද පුතේ
නිවතුන් ලෝ පුරා පුතේ
දොයිය ගන්න එපා පුතේ
ඇස් ඇර රට බලන් පුතේ

උඹෙ අම්මා කිරට ගියා දෙන්
කිරි මුට්ටිය ගඟේ ගියා දෙන්
ගඟට උඩින් කොක්කු ගියා දෙන්
ගඟ දෙගොඩින් තලා ගියා දෙන්

ඒත් පුත බිය වෙන්ටෙපා
ඒත් පුත ගැති වෙන්ටෙපා
සත් රුවන් කඳු මුදුනෙ තැබුවත්
මඩින මිනිහට බහ දෙන්ටෙපා

ඇයි ඇයි ඇයි ඇයි ද පුතේ
නිවතුන් ලෝ පුරා පුතේ

මිරිකන මිනිහා කොහෙද සොයාපන්
මිරිකෙන මිනිහා ඉන් ගොඩලාපන්
දුක හඳුනාගෙන දුක නැති කරපන්
දිළිඳු මුහුණුවල සිනහව ඇඳපන්

ඇයි ඇයි ඇයි ඇයි ද පුතේ
නිවතුන් ලෝ පුරා පුතේ


(සෙවිල්ල) – p-14

ජීවිතය
කෙල පිඬකි
අලුයම ලූ

‍මේ කෙල පිඬ
බුද්ධියේ
අනුක්නයට අල්ලා
ජීවිතයේ
රෝග නිධානය
සොයව්
:
:


සටන – p-17

මොළ නෙලූ එකෙක්
රාක්ක මොළ වලින් පුරවා
පොත් ගුලක හිර වී
කාවන් සමඟ සටනක

මොළ ගසා කෑ එකෙක්
සේප්පු කාසිවලින් පුරවා
රිදී යතුරු කැරැල්ල
විල්ලුද කොට්ටය යට සඟවා
නොමැරෙන බේත් සොයන සටනක


(මා විසින් මෙසේ අසන ලදී) – p-29

:
:
ඒ නිසා හිමියනි
අද ඔබ මොක කීවත්
අද ඔබ මොක කළත්
කමක් නෑ, පවක් නෑ

ඔබ වෙන්නෙ අපි

අපි හොඳ නැතුව
හිමියනි,
ඔබ විතරක්
අමුතුවෙන්
හොඳ වෙන්නෙ
කොහොම ද?

► ‘අනේ දෙව්දත් නොදුටි මොක්පුර’ : සුගතපාල ද සිල්වා [1972]
(දෙවෙනි මුද්‍රණය: 2002 : ගොඩගේ ප්‍රකාශන)
ISBN 955-20-5810-4

A Tale of Two Cities ‘දෙනුවර කතාවක්’

In , සිතුවිලි, quote from a Book, quoted Text on May 4, 2009 at 11:59 am

“මම නරක ඉරියව් ඇති මිනිසෙක්, මම පාප මිත්‍ර සේවනය කරන්නෙක්. මේ නිසා මා තුළ ඔබ කෙරෙහි ඇති ප්‍රේමය ඔබට පිළිගන්නට හැකි වුවත්, එයින් ඔබට මහත් හානියක් දුකක් වෙන බව මගේ හෘද සාක්ෂිය හොඳට දන්නවා. ඒ වගේම මම හොඳටම දන්නවා මා පිළිබඳ සිතක් ඔබ තුල වන්නට බැරි බව. මම එහෙම ඉල්ලීමක් කරන්නෙත් නැහැ. එක අතකින් මම බොහොම සතුටුයි, මා කෙරෙහි එහෙම හැඟීමක් ඔබට ඇති කර ගන්නට බැරි එක ගැන.

.. මා ගැන මම හොඳට දන්නවා. මම නිකම්ම අළු ‍ගොඩක්. නමුත් ඔබ දැකීමෙන් පස්සෙ ඒ අළු ගොඩට අලුත් ගින්නක් වෙලී ගියා. මේ බව ඔබට දැන්වීමෙන් මට මහත් ප්‍රීතියක්.

මට ඇති එකම සැනසීම තමයි මගේ හෘදය ඔබට අනාවරණය කල බව සිහි කිරීම. මා අද කළ කී දේ වෙන කිසිම කෙනෙකුට නොකියන ලෙස මම ඔබෙන් බැගෑපත් ලෙස ඉල්ලනවා.

එකක් කියන්නම් මම කිසි කලෙක ආයෙත් මේ සම්බන්ධව ඔබට කතා කරන්නේ නැහැ. ඒ නිසා කිසි බයක් හේම වෙන්ට එපා. මා මැරෙන මොහොතේ මා පතන්නේ එකම එක සැනසිල්ලක් පමණයි. මොකද්ද? මගේ අන්තිම ප්‍රකාශය ඔබට කල බවත්, මගේ නමත්, මගේ දුර්වලකමත්, මගේ කම්කටොලුත්, ඔබේ හෘදයේ හි තැන්පත් කල බවත් මතක් කර ගැනීම පමණයි.”

“මා නිසා ශෝකවන්න එපා කුමරිය. ඔබත් කාලකණ්නි මාත් අතර ඇති පරතරය විශාල බව මා දන්නවා.

තව එකක් කියන්ට තියෙනවා. යම් කලෙක, ඔබට දයාඹර ජීවිතයක් ගලවා ගැනීමට මොනම පරිත්‍යාගයක් වුණත් කරන්නට මම නිතරම සූදානම් බව හිතේ තියා ගන්න.”

“මේ ආත්ම පූජාව මම යම් ජීවිතයක් නිසා කරම්ද, ඒ ජීවිතයෝ ඉතා සන්සුන්, ප්‍රයෝජනවත්, ඉසුරුමත් හා වාසනාවන්ත බවට පත්වී….

“ඇ‍ගේ ඇකයේ නිඳන මගේ නම ඇති බිළිඳා වැඩි වයසට පත්වූ විට, වරක් මා අපේක්ෂා කල ජීවිතය හිමි කර ගන්නේය. ඔහුගේ ප්‍රයත්නය කොයි තරම් සාර්ථක වන්නේද කිවහොත්, ඔහුගේ නාමයෙන් මගේ නාමය ද බැබලෙන්නේය. මගේ ජීවිතයේ මා කරගත් කැලැල් රැස එයින් මැකී යන්නේය.”

“මීට පෙර මා කළ සෑම දෙයකටම වඩා ශ්‍රේෂ්ඨ වැඩක් අද මම කරමි. මා දන්නා සෑම විවේක ස්ථානයකටම වඩා පරම රමණීය වූ ශාන්ත භූමියක් කරා මම අද යමි.”

► ‘A Tale of Two Cities‘ (1859) By Charles Dickens
අනුවාදය: ටී.බි. ඉලංගරත්න (‘දෙනුවර කතාවක්’)

අසන්න සහෘදය,

In quote from a Book, quoted poem, quoted Text on April 26, 2009 at 5:32 am

අසන්න සහෘදය,
අපි සැවොම කුරිරු ඉරණමකට බඳුන් වී සිටින්නෙමු.
ඉතිහාසයේ කොතැනක හෝ වැරදී ඇත.
අප නොකල ඒ වැරැද්දට
දඬුවම් විදින්නෙමු.
ඔවුන්, අපව භේද භින්න කලාහුය.
අපි භේද භින්නයේ අවියෙන්
අනිකාට,
ගසන්නෙමු – පෙළන්නෙමු – මරන්නෙමු
ගලන ලෙයින් සැනසෙන්නෙමු
ගලන්නේ අ‍පේම ලේ නොවේදැයි
අපට නොවැටහෙන්නේ ඇයි?
දෙවියනි!
අඳුරු තිමිර බිඳ ගනිමු සොයුර
පෙර මඟ ඔබත් මමත්
ලියන්නට නිමල ඉතිහාසය
අමුතුවෙන් ..

► බුද්ධදාස හේවගේ ගේ ‘යාත්‍රාවක මිනිස්සු’ කෘතියෙනි.

රාජ ගුරුන් නොවේ මම

In quote from a Book, quote from a News Paper, quoted poem on April 22, 2009 at 5:45 am

ශිල්ප දෙමි නුඹලාට
ධනුද්ධර මෙන් – ශිල්පයෙහි නිපුන වන්නට
පමණක් නොවේ පුත …
ලොව සියල් සාරය – උරාගෙන දැනුම ලෙස
ලෝකය අලුතෙන් නිමන්නට – කටයුතු කල යුතු යැයි නුඹ
පැරණි ලෝකයම එය
කර ගසාගෙන සිටී නම්
දැනුමක්, විද්‍යාවක් කුමකටද?, අපට
ඉරාගෙන කළුවර – ගමන් අරඹනු පුත
සොඳුරු ලෝකය වෙත
මඟ තැනිය යුතුව ඇත.

► දයා නෙත්තසිංහ‍ගේ ‘මහ වෙහෙර ළඟ හිඳ’ කාව්‍ය සංග‍්‍රහයෙනි.
‘මව්බිම’ (2006 සදසැම්බර් 03)

ඈන් ෆ්රෑන්ක්: ව්‍යාකූලත්වය මැද ජීවිතය

In , quote from a Book, quoted Text on March 29, 2009 at 12:11 pm

“තවමත් හරිහැටි මා ගැන නොදන්නා මා වටා සිටින පුද්ගලයින්ට සහායක් වන්නට, සැනසුමක් වන්නට මට අවශ්‍යය. මගේ මරණයෙන් පසු වුවද එසේ වන්නට මට අවශ්‍යය ….”

“මිනිසුන් තුල තවමත්, ඉතාම යහපත් හදවත් ඇති බව මම විශ්වාස කරමි…”

“ව්‍යාකූලත්වය, දුක්ඛිතභාවය හා මරණය සතර අතම පැතිර තිබියදී, මට මගේ විශ්වාසයන් ගොඩනගා ගැනීමට අපහසුය. ලෝකය ක්‍රමයෙන් ම්ලේච්ඡ වෙමින් පවතින ආකාරය මම දකිමි. මට ඇසෙමින් තිබෙ ගර්ජනාවන් යම් මොහොතක අපව ද නසා දමනු නියතය. දශ ලක්ෂ ගනන් දෙනා විදිනා දුක මට ද දැනෙමින් තිබේ. දෙව් ලොව දෙසට හිස ඔසවා බලන මට සි‍තෙන්නේ, මෙම කෲරත්වයේ අවසන් සමය ඉක්මනින්ම එළැඹෙනු ඇත කියාය. මම මගේ කල්පනාවන් තව දුරටත් පවත්වාගෙන යමි. සාමකාමී බව යලි එලැඹි විට, මට ඒවාද රැගෙන ලෝකය වෙත පිය නැඟිය හැකි වනු ඇත. ….”

► ඈන් ෆ්රෑන්ක්  ‘ද ඩයරි ඔෆ් යන්ග් ගර්ල්’