ආකාස්මික සොඳුරු උදයක
දුටුවෙමි මම ඇයව – අකුණු සැරයක් විලසින
ඇඳුනි ඇගෙ රුව මසිත – නොමැකෙන ලෙසට කිසි දින
නොහැක මට ගමන් කෙරුමට
මා යන මඟ පසෙක ලා
එහෙයින් – දුරින් හිඳ
බලා සිටියේ ඔබ දෙස
ලංව එන්නට සිතට රිසි මුත්
නොහැක මට මා ගැන සිතන්නට
දුකින් පීඩිත ගොලුවු මිනිසුන්
හඬක් අයැදිව බලා හිඳි මඟ
අතරතුර පැමිණි ඔහු – රැගෙන ඔබෙ සොඳුරු සිත
තුටින් පියනැඟිය බව
බලා උන්නෙමි – සම සිතින් මම
බොහො කල් ඉක්ම ගොස් ඇත
නොදැක ඇය – නොදැන ඇය කොහි සිටී දැයි
දකින්නට රිසි මුත් – ඇය යළි එක් වරක්
නොදනිමි – ඒ කෙළෙසකද යන වග
U/K | tracked at jan -or- feb 2008